പുംഗവന്റെ ലോകം

Wednesday, September 13, 2006

പുംഗവന്‍ വന്നേ..........

അങ്ങനെ പുംഗവനും......

ബൂലോഗപുലികളുടെ ഇടയിലേക്കുള്ള ഒരു ചിന്ന എലിയുടെ നുഴഞ്ഞുകയറ്റം.....
അനുഗ്രഹിക്കുക.. ആശീര്‍വ്വദിക്കുക.....

ഒരു ചെറിയ പ്രശ്നം!
പുംഗവന്റെ സ്ഥാനം‍ മൂന്നാമിടത്തിലാണ്.
ആഴ്ചപ്പതിപ്പല്ല ഉദ്ദേശിച്ചത്.
മനസ്സിലായില്ല??...
മെംബര്‍ഷിപ് കിട്ടിയത് ബൂലോഗം മൂന്നിലാണെന്ന്!!!!
സാരമില്യ! അല്ലെങ്കിലും പുംഗവന് ബൂലോഗത്തിന്റെ സ്റ്റേജില്‍ കയറി പറയാന്‍ താല്പര്യമില്ല.
അഹങ്കാരം കൊണ്ടല്ല കേട്ടോ, പുംഗവന്‍ അത്രയ്ക്കൊന്നുമായിട്ടില്ല എന്നൊരു വിശ്വാസം ബൂലോഗപുലികളുടെ പോസ്റ്റുകള്‍ വായിക്കാന്‍ തുടങ്ങിയ അന്നുമുതലേ മനസ്സിലുണ്ടേ.
ആയതിനാല്‍ ബൂലോഗം മൂന്നിലും പോസ്ടാന്‍ പേടിയാണേ...
പിന്നെന്തു ചെയ്യും???? .................
പുംഗവനോടാ കളി? പുംഗവന്‍ സ്വന്തം ബ്ലോഗില്‍ പോസ്റ്റ് ചെയ്യൂലോ!
ആളൊരു അഭിമാനിയാണെന്നു സാരം.

സംഗ്രഹം എന്താണെന്നു വച്ചാല്‍,
പുംഗവന്റെ പേശുകള്‍ വായിക്കാനും, അതിന്റെ അഭിപ്രായങ്ങള്‍ രേഖപ്പെടുത്താനും ആ ബാലവൃദ്ധ ബൂലോഗരെയും വ്യസന സമേതം ക്ഷണിച്ചുകൊള്ളുന്നു. സഭ്യതയുടെ അതിര്‍വരമ്പ് ലംഘിക്കുന്നുണ്ടോയെന്ന് പരിശോധിക്കുന്നതിനായി സെന്‍സറിംഗ് കമ്മറ്റി ചെയര്‍മാന്‍ ശ്രീ. കരീം മാഷിനെയും മറ്റ് മെംബര്‍മാരെയും ആദ്യമേ ക്ഷണിക്കുന്നു. സെന്‍സറിംഗ് കമ്മറ്റിയുടെ സര്‍ട്ടിക്കറ്റ് ലഭിക്കുന്നതു വരെ പ്രായപൂര്‍ത്തിയാവാത്ത ബൂലോഗരാരും തന്നെ പുംഗവന്റെ തട്ടകത്തില്‍ കയറുന്നത് വിലക്കിയിരിക്കുന്നു.
പുംഗവന്റെ വിലാസം : http://pungavan.blogspot.com/


മഹാകവി “കുറുമനാശാന്‍” പാടിയ പോലെ;
“ഒരു നാള്‍ ഞാനും വിശാലനെപ്പോല്‍ വളരും വലുതാകും,
ബൂലോഗത്തില്‍ പാറി നടന്ന്‌ കുറുകുറുകുറു പറയും.”

പുംഗവന്റെ ആഗ്രഹമാണ്!
നടക്ക്വോ??? നോക്കാ.. ല്ലേ....

നിങ്ങള്‍ക്കൊക്കെ ഒരു തോന്നലുണ്ടാവാം:
യെവന്‍ വിശാലനാവാന്‍ പഠിക്ക്യാ... കുറുമാനാവാന്‍ പഠിക്ക്യാ... ന്നൊക്കെ..
സത്യമായിട്ടും അതൊന്നുമല്ല.
കുന്നോളം മോഹിച്ചാലല്ലേ കുന്നിക്കുരുവെങ്കിലും കിട്ടൂ!
മോഹന്‍ലാലായില്ലെങ്കിലും ഒരു മദന്‍‌രാജെങ്കിലും!!!
ശ്രമിച്ചു നോക്കട്ടേ... ട്ടോ!

നിങ്ങളുടെയെല്ലാം സഹായസഹകരണങ്ങള്‍ പ്രതീക്ഷിച്ചുകൊണ്ട്.....

സവിനയം,
പുംഗവന്‍.


____________________________________________


പറയാന്‍ പാടില്ലാത്തത്, എന്തെന്നാല്‍ പുംഗവന്റെ മനസ്സിലുള്ളത് :

എന്തൊക്കെത്തന്നെയായാലും ബൂലോഗന്മാരെക്കുറിച്ചാലോചിക്കുമ്പോള്‍ പുംഗവന്‌ ഒരു ചെറിയ ശങ്കയുണ്ട്. നെഞ്ച് പടപടാന്നടിക്കുന്നു...ശരീരമാസകലം വിറക്കുന്നു‍......
എന്റെ ബൂലോഗനാര്‍ക്കാവിലമ്മേ.....
പുംഗവനെ കാത്തോളണേ!!!
യക്ഷിയെയും ഗന്ധര്‍വ്വനെയും പുംഗവന് പരിചയം മലയാള സിനിമകളിലൂടെയും സീരിയലിലൂടെയും ആയിരുന്നു. പക്ഷേ, അവരെല്ലാം ലൈവായി ബൂലോഗത്തുണ്ടെന്ന് ഈയടുത്താണറിയുന്നത്. കൂടാതെ “പെരിങ്ങോടരും”. പേര് കേട്ടാല്‍ തന്നെയറിയാം, അരിങ്ങോടരുടെ ആരോ ആണെന്ന്. കൂടാതെ കളരി, ആറാംതമ്പുരാന്‍ എന്നൊക്കെപ്പറഞ്ഞ്‌ ബ്ലോഗിലൂടെയുള്ള ഞെട്ടിക്കലും. കഴിഞ്ഞില്ല! ബുജികള്‍, തത്വചിന്തകര്‍, സാഹിത്യകാരന്മാര്‍, etc . തീരുന്നില്ല......
അമ്മേ! ദേവീ!! അടിയന് നീയേ തുണ!!!
പുംഗവനെയും അവന്റെ ബ്ലോഗിനേയും അവിടത്തെ തൃപ്പാദങ്ങളില്‍ സമര്‍പ്പിക്കുന്നു.

“ബൂലോഗനാര്‍ക്കാവിലമ്മ ഈ ബ്ലോഗിന്റെ ഐശ്വര്യം!”

1 Comments:

Post a Comment

<< Home